Интернистот и инфлуенсер Горан Трајковски, веќе 5 години живее и работи како доктор во Германија.
Тој со своите следбеници на Инстаграм секојдневно споделува што се случува во неговиот живот, барем за оние поголемите и поважни настани.
Имено, денеска Трајковски на Инстаграм сподели видео како ја прима вакцината на Фајзер и истакнува дека би го зел ризикот кој го носи вакцината, со оглед на изминатата година, во која и тој беше вклучен во борбата против Ковид-19.
„Според мене изборот е следниот: или ќе ги пробам шансите со тоа што ми го нуди модерната медицина или пак ќе си ги пробам шансите со Ковид-19. А од тоа што го видов во последнава година работа на ковид-интензивниот оддел (не само кај постари туку и кај млади лица), би го земал ризикот кој го носи вакцината. Се надевам на добар исход. После една седмица се очекува околу 52% заштита. Една седмица после втората доза 95% заштита“, истакнува Трајковски.
