Туна Сејдиу, после две години пауза, деновиве го промовираше видеото за темата “Chonga” со кое го најави камбекот на музичката сцена. Станува збор за песна снимена на албански јазик, а видеото веќе има над милион и пол прегледи на Јутјуб и илјадници позитивни коментари и критики.
Инаку, пејачката која е ќерка на Шабан Сејдиу, поранешен олимписки борач, откако се омажи за Патрис Бариша и го роди синот Тиан живее на релација Скопје – Косово, а неодамна во еден познат ресторан со семејството и најблиските го прослави и роденденот на малиот наследник кој е нејзина копија.
Македонската јавност, пак, Туна ја запозна преку учеството во музичкото шоу “М2” а нејзина прва песна беше “Најди ден, најди ноќ, најди време”.
Досега има снимено седум албуми, а наскоро ќе го промовира и осмиот на кој работи во моментов, а на листата соработници се запишува и Дарко Димитров со кој работи од почетокот на својата кариера.
