Шуаи Пенг ги постигна најголемите успеси во кариерата играјќи во двојки. Двапати се израдува на Грен слем трофеј и во еден момент беше дел од најдобриот пар во женска конкуренција во светски рамки.
35-годишната тенисерка преку социјалните мрежи објави шокантно обвинување. Таа призна дека била жртва на силување и тоа од кинескиот вицепремиер, Жанг Гаоли.
„Го одбив и не можев да престанам да плачам. Од страв и збунетост, на крајот попуштив и имавме секс“, напиша Пенг, додавајќи дека неговата сопруга ја чувала вратата во тоа време.
Пенг открива дека била силувана кога вицепремиерот ја повикал во својата куќа за да играат тенис. Објавата беше отстранета за неколку минути, но наводите беа зачувани и екпресно станаа популарни, со оглед на имињата кои беа вклучени во скандалот.
