Едно дете од чеченскиот град Курчалој за влакно избегнало смрт кога претрчувало преку улица, а целата ситуација ја снимиле надзорните камери.
Имено, детето невнимателно пробало да ја претрча улицата, не обрнувајќи внимание на црниот автомобил кој одел директно кон него со голема брзина. Кога го забележало возилото, детето пробало да го избегне, но безуспешно.
За среќа, зад воланот се наоѓал возач кој успеал да го заобиколи, а детето брзо станало од земјата и како што се чини, останало неповредено.
На снимката потоа се гледа како еден сив автомобил застанува покрај малечкото дете и од него излегуваат двајца мажи кои го прегрнуваат.
