Поради спуштање на постуден воздух од север ќе се задржи облачно, студено и ветровито време со повремени врнежи кои на планините и на повисоките места ќе бидат од снег со слаб до умерен интензитет. Попладне врнежи од снег се очекуваат и на некои пониски места.
Ќе дува засилен северен ветер што ќе услови значителен пад на температурата во наредните денови.
Во четврток ќе биде студено, на места со слаб снег, а во петок се очекува намалување на облачноста.
Ќе натрупа ли снег за Нова година? – Временска за цел нареден месец
Декември ни е пред самиот праг, а временските услови се повеќе се влошуваат па во исчекување сме и на првиот снег оваа година. Познатата метео апликација Accuweather со детална прогноза за наредниот месец и почетокот на наредната 2019 година.
И метеорологот Славчо Попоски излезе со своја метео анализа за оваа недела.
Почнувајќи од утре (среда) од североисток кон нашата територија ќе се спушта студен воздух кој ќе услови голем пад на температурите на воздухот (за околу 10 степени), сето ова ќе биде проследено со умерен до засилен ветер од северен правец.
Времето ќе биде променливо облачно со повремени локални врнежи со послаб интензитет и утре ќе бидат од дожд на ниските и од снег на повисоките места и на планините, снежната граница ќе се спушта особено кон крајот на денот и во текот на ноќта кон четврток па така локални послаби врнежи од снег ќе има и на пониските места.
Особено на повисоките места и на планините се очекува да се формира и снежна покривка, тенка снежна покривка можна е и во некои од населените места.
Температурите на воздухот многу ќе опаднат и настудено ќе биде во четврток кога максимумот на температурите ќе се искачува во интервалот од -2 до 7 степени, во петок наутро ќе биде многу студено со минимални температури насекаде минусни и ќе се спуштаат во интервалот од -10 до 0 степени.
