Политичкиот и државен врв во фармерки на прием кај амбасадорот Бејли

800

Министри, пратеници, новинари, уметници и луѓе од јавниот живот на Македонија вечерва се појавија во фармерки на прием во амбасадата на САД по повод 4ти јули или Денот на независноста.

Оваа година дрес кодот на амбасадата им наложува на гостите да се облечат во типичните американски тексас фармерки. За да биде се во боите на американското знаме, од гостите беше побарано да носат бела маичка или кошула и нешто црвено.

 На пречекот каде гостите се поздравуваа со амбасадорот Џес Бејли е поставен трактор од американско производство за да се одбележи земјоделството како силна индустрија во Америка, а низа од фармерки висат над гостите, пишува Фокус.

Химната на Македонија одекна во американската амбасада интонирана од Јана Бурческа, а потоа беше интонирана и американската химна.Приемот официјално почна по доаѓањето на премиерот Зоран Заев и неговата сопруга кои дојдоа последни.

Меѓу присутните гости се:

Катица Јанева, Мендух Тачи, Теута Арифи, Горан Мисовски, Јани Макрадули, Гаврил Бубевски, Фросина Ременски, Сулејман Реџепи, Емил Димитров, Даниела Рангелова, Илија Димовски, Андреј Жерновски, Бујар Османи, Арбен Таравари, Петре Шилегов, Владимир Пешевски.