Кога покрај себе имате луѓе кои бескрајно ве сакаат, сѐ е можно – тоа е единствениот начин на кој може да се опише видеото кое расплака многу корисници на социјалните мрежи.
Виралната снимка покажува невеста и младоженец кој е во инвалидска количка. Кога дошол моментот за првиот танц, семејството на младоженецот решило да го изненади мажот и да му ја оствари најголемата желба – да заигра со својата сопруга.
Така, неговиот татко и брат со помош на лепенки успеале да го подигнат младоженецот и да му овозможат остварување на најголемата желба таа вечер.
Видеото од венчавката многу брзо станало вирално и луѓето масовно го споделуваат, воглавно со порака дека одамна не виделе волку убав гест.
