На сајтот на Министерството за внатрешни работи се појави потерница за осомниченото лице во случајот „Двојник“, кое е во бегство.
Се работи за Раиф Мифтари од Скопје. Тој е осомничен за кривичното дело злоупотреба на службената положба и овластувања пропишано во членот 353 од Кривичниот законик.
Иако беше недостапен за органите на прогонот, обвинителството на Раиф Мифтари му одреди мерка 30-дневен притвор.
Покрај него, во случајот со издавањето македонски пасоши осомничени се уште 10 лица. Од нив, шест се во притвор за овој случај, додека еден осомничен од претходно е во притвор во постапка која се води за незаконско издавање возачки дозволи.
