Тројцата руски војници кои што исчезнаа во Сирија кон крајот на февруари, загинале после напад од заседа на терористи, соопштија од руското Министерство за одбрана.
„Кон крајот на февруари, тројца руски војници, при враќањето со автомобил после хуманитарната помош во провинцијата Деир Ез Зор, упаднале во заседа на милитанти. Во моментот кога пристигна информација за нивното исчезнување, во соработка со сириските безбедносни сили, 24 часа траеше потрагата по нив. На крајот беа откриени и напаѓачите и автомобилот, по што беше утврдено дека руските војници загинале во текот на борба“, соопштија од руското Министерство за одбрана.
Меѓу другото, од министерството потврдија дека одмаздата веднаш пристигнала, а терористите биле убиени.
„Одредот од 30 терористи кои што учествувале во нападот на автомобилот со руските војници е ликвидиран“, соопштија од руското Министерство за одбрана.
