Безживотното тело на момчето кое завчера се удави во реката Вардар кај неготинско Пепелиште е пронајдено, за МИА потврди Билјана Филипова директор на Здравствен дом Неготино.
„Утрово екипата на Брза помош констатира смрт кај момчето. Без знаци за други надворешни повреди“, рече Филипова.
Инаку, телото било пронајдено во близина на местото каде што се случило и давењето.
Завчера во околу 16 часот во Полициската станица Неготино, З. Ј. (39) пријавил дека неколку малолетници влегле во реката Вардар при што еден од нив, малолетникот од село Пепелиште неготинско, не бил виден да излезе од водата.
