Рибата се смета за една од најздравите намирници во светот. Таа е богата со протеини (кои подобро се апсорбираат отколку од месото), здрави масни киселини, јод, фосфор и витамини од групата Б.
Покрај сите здравствени придобивки за телото, некои видови риби содржат многу масти, поради што тие не можат секогаш да се вклопат во вашиот дневен внес на калории. Денеска зборуваме за 5-те најкорисни видови на немасни риби кои треба да ги сместите во вашата исхрана.
Сардини
Сардините се богат извор на витамин Б12, кој на телото му е потребен за производство на црвени крвни клетки (еритроцити), регулирање на нервната функција и синтетизирање на нуклеинската киселина. Покрај тоа, редовното консумирање на сардини може да го намали лошиот холестерол и да спречи кардиоваскуларни болести.
Бакалар
Бакаларот е богат извор на комплетни протеини и многу макро и микроелементи. Истовремено содржи мал број калории (90 kcal по порција) и практично не содржи масти. Печениот или варен бакалар е одличен за диетална вечера, особено ако додадете зеленчук.
Пастрмка
Пастрмката е богата со витамините А, Б12 и Д, како и со протеини и омега-3 масни киселини. Омега-3 масните киселини се неопходни за зајакнување на ѕидовите на крвните садови, контрола на нивото на холестерол во крвта и за спречување на кардиоваскуларни болести.
Туна
Туната се смета за еден од најздравите видови риба. 100 грама туна содржи рекордни 22 гр. протеини, половина од дневниот внес на витамин Д и целосно ја покрива потребата на организмот од најважниот елемент во траги – селен. Туната може да се купи свежа или конзервирана (важно е да биде во сопствениот сок, а не во масло). Можете да ја додавате во салати и сендвичи.
Тилапија
Тилапија е складиште на витамини и минерали: содржи витамини Б, Е, К, соли на фосфорна киселина, корисни масни киселини, магнезиум, селен, цинк и железо. Покрај тоа, 100 грама тилапија содржи половина од дневната вредност на комплетни протеини, додека содржината на калории во оваа риба е релативно ниска.
