По бракот со италијанската дива Моника Белучи, познатиот француски актер среќата ја најде со 30 години помладата убавица Тина Кунаки.
Својата врска тие ја крунисале со брак во август 2018 година, а деновиве како и многу од ѕвездите не сакале да го пропуштат новото издание на филмскиот фестивал во Кан.
Уште со самото пристигнување во Кан, Касел и неговата 30 години помлада избраничка успеале да го украдат вниманието благодарение на нивните модни изданија.
И, додека поранешниот сопруг на Моника Белучи прошетал во минималистичка комбинација, 25-годишната убавица од Франција го привлекла вниманието во комбинација од кошула и здолниште со интересен дизајн.
Доминацијата на беж бојата ја разбила со сина чанта, како и црни чевли со потпис на својата блиска пријателка, дизајнерката Амина Муади.
Во вечерните часови Венсан и Тина со својата појава привлекле уште поголемо внимание, се појавиле на премиерата на хорор-филмот „Crimes of the Future“, кој како и останатите ѕвезди не сакале да го пропуштат.
Тие подготвено позирале пред фотографите, а избраничката на Венсан со својот моден избор успеала да засени многу од актерките и манекенките.
Како холивудска дива, таа на црвениот тепих пленела со елеганцијата во зелениот фустан којшто го носела, но и додатокот – белите, долги ракавици.
Инаку, фустанот е дел од актуелната колекција на високата мода која ја претставил Пиер Паоло Пиколи на чело на модната куќа „Valentino“.
