Поранешниот адвокат ја признал вината: Tрамп и јас им плативме на порно-актерката и Плејбој зајачицата да молчат!

393

Поранешниот адвокат на претседателот на САД, Мајкл Коен, ја признал вината за кршење на правилата за финансирање на изборна кампања и за други обвиненија и изјавил дека шефот на Белата куќа, Доналд Трамп и тој организирале исплата на пари на порно-актерка и манекенка за да влијаат на резултатот на изборите.

Речиси истовремено со признавањето на вината на Коен, судот во Вирџинија го осудил и поранешниот шеф на претседателската кампања на Трамп, Пол Манафорт за осум финансиски кривични дела, во првиот судски процес кој е резултат на истрагата на специјалниот советник Роберт Мулер, за мешањето на Русија во претседателските избори во САД во 2016. година.

Коен постигнал договор со федералните обвинители и ја признал вината за осум кривични дела, меѓу кои затајување на данок и давање на лажни изјави на финансиски институции. Би можел да добие четири до пет години затвор, а казната ќе му биде изречена на 12. декември.

Коен не ги именувал двете жени на кои им биле исплатени пари да мочат за односот со Трамп, а не го именувал ни самиот претседател на САД, туку наместо тоа рекол дека работел со “неименуван кандидат”. Меѓутоа, исплатените износи и датуми се поклопуваат со исплатите на порно-актерката Сторми Даниелс и Плејбој манекенката Карен Мекдугал.

Поранешниот адвокат на Трамп навел дека првата исплата била во координација и по наредба на кандидатот за федералната функција, а дека втората исплата била по наредба на истиот кандидат.

Додека американските телевизиски станици паралелно ги пренесувале судските процеси, Трамп заминал на собир во Западна Вирџинија и ги игнорирал прашањата за Коен и Манафорт.