Полициски до 23 часот? Кризниот штаб не ја прашал Комисијата за заразни дали да ги олабави мерките

179

Комисијата за заразни болести утринава имала состанок, но точката за олабавување на мерката за скратување на полицискиот час да почнува од 23 часот воопшто не била дискутирана, бидејќи како што велат извори од таму, кризниот штаб воопшто не ја консултирал.

Кризниот штаб сам одлучил, што според комисијата за заразни не е првпат да не бидат прашани за мерките. Владата денеска на седница во 19 часот ќе одлучува за новиот предлог од кризниот штаб, полицискиот час да почнува од 23 и да трае до 05 часот изутрина, а летните тераси на кафеаните да работат до 22.30 часот.

Според неделниот извештај на Институтот за јавно здравје, во периодот од 26 април до 2 мај бројот на ново заболени се намалил за 39,7%, но се намалил и бројот на тестирања за 17,6% во однос на неделата претходно. Најголем дел од регистрираните случаи се од Скопје 41,5 отсто. Највисока неделна инциденца е регистрирана во Виница. Регистрирани се заболени лица во сите возрасни групи. Најзастапена е возрасната група на лица на возраст над 60.