Парламентарните и локалните избори во соседна Србија ќе се одржат во недела на 21-ви јуни, а владеачката Српска напредна партија е најголем фаворит.
Дел од опозицијата ги бојкотираат изборите, критичарите го обвинуваат српскиот претседател Александар Вучиќ дека со репресија и злоупотреба на власта ја елиминирал можноста за слободни избори, а вчера во српските медиуми се појави прилично бизарен спот на СНП.
Во спотот главниот актер не излегува да гласа, не го дава својот глас за партијата на Вучиќ и така започнува една катастрофална серија на случувања.
„Кога недостасува глас за Вучиќ, сите опозициски партии можат да формираат коалиција. Кога обединетата опозиција ќе ја преземе власта, економијата ќе пропадне. Кога економијата ќе пропадне, ќе останете без работа…“, меѓу другото се слуша во бизарниот спот.
„Зошто би сакале да ве изеде диносаурус? Немојте да останете во минатото, гласајте за иднината“.
