По неколкунеделен молк, Шилегов се реши: Скопје ќе биде украсен до 5 декември!

68

По неколкунеделен молк од градските власти дали Скопје ќе се украси за Нова Година или не, денеска се огласи градоначалникот Петре Шилегов кој за порталот сдк.мк изјави дека од вчера е почнато со китење на градот и треба да заврши до 5 декември.

Тој истакнува дека градската власт не се откажала од празничната новогодишна атмосфера по улиците и плоштадите во Скопје, со намера да ја врати „надежта и насмевките на лицата на граѓаните, особено на децата“.

Тој вели дека „годинава градот само ќе биде украсен, нема да се организира новогодишната манифестација „Винтерленд“, ниту ќе има прослава за дочек на Нова година“.