Платите на полицијата со априлската исплата пораснаа за 10 проценти. Тоа е покачување на примањата на над 12000 граѓани. Ова е реализација на уште едно ветување на Владата со кое се работи на создавање на промени и враќање на достоинството на гаранторите на безбедноста, велат од ВМРО-ДПМНЕ.
-Со години полицијата беше омаловажувана и беше рушено нивното достоинство. Единица мерка за криминал и заштита на криминалците беше поранешниот министер за внатрешни работи Оливер Спасовски. Од ортак на криминалните кланови Грчец и Арачиново кои останаа нечепнати поради услугите за избори кои ги овозможуваа на СДС, до некадарни и криминогени началници на Спасовски кои го рушеа угледот на полицијата.
Оваа Влада денес работи на враќање на довербата во полицијата и мотивирање да го спроведуваат законот и чуваат редот.
Покачeните плати се уште еден показател на борбата на Владата за секој еден човек и неговата иднина. Разликата е видлива, промените се случуваат, стои во партиското соопштение.
