Во ноќните клубови, локали и рестораните за свадби ќе биде дозволено организирањето на прослави. Владата одлучи да биде дозволено и организирање на концерти, семинари, обуки, курсеви, состаноци, работилници, конференции, културни или спортски настани со капацитет до 50%. Независната комора на угостителите смета дека ваквата одлука е задоцнета.
Од 15 ноември исто така за влез во хотелски објекти, трговски центри, казина и обложувалници или за учество на настани, задолжително ќе биде приложувањето на сертификат за извршена имунизација со две дози на вакцина, или потврда за прележан ковид-19 во последните 45 дена, сметајќи од денот на оздравувањето.
Јосифовски вели дека барањето сертификати при влез во кафеани е непотребно и негативно се одразува врз работата на угостителите. Додава дека нема потреба од вакцини бидејќи граѓаните се свесни и има протоколи за работа на кафеаните и рестораните за заштита од Ковид-19.
