Сестрата на пејачот од групата One Direction, Луис Томлинсон, инфлуенсерката Фелисите Томлинсон, починала на возраст од само 18 години.
Фелисите сакала да биде модна дизајнерка, а на Инстаграм ја следеле 1,4 милиони луѓе. Луис откако дознал за смртта на својата сестра ги откажал сите настапи. Тоа е втора трагедија во неговиот живот, во релативно краток рок, бидејќи во декември, 2016-та година починала неговата мајка, Џохан Декин, како последица на борбата со леукемија.
ВВС пренесува дека полицијата повикала брза помош, после дојавата дека девојката доживеала срцев удар. Полиција повикала личноста која била со неа во станот, пренесува The Sun.
„Женско лице на возраст од 18 години е прогласено за мртво на лице место. Наскоро ќе се изврши обдукцијата“, објавила полицијата.
