Веќе е општо познато дека пандемијата на коронавирусот ги остави музичарите без работа, откако беше наложено да се откажат сите настапи.
Поради тоа, пејачката Марија Шерифовиќ одлучила привремено да ја промени професијата, а за таа голема одлука со денови ги известува своите следбеници на социјалните мрежи.
„Станувам Јутјубер, бидејќи нема пари од пеење. Ќе пеам следната година“, вели Шерифовиќ на Инстаграм-стори.
Практично, пејачката со ова најави дека својата кариера веќе ја започнала на својот Јутјуб канал, каде ги насочи своите следбеници.
Дека таа не е единствената која бара излез од тешката ситуација покажува и фактот дека голем број пејачи се посветуваат на други професии.
