Лука Дончич уште еднаш ја потврди својата кошаркарска големина, со неверојатна игра! Словенечкиот репрезентативец го одигра најдобриот меч досега во својата кратка NBA кариера. Ноќеска постигна 42 поени, 12 асистенции и 11 скокови во победата на неговиот Далас над Сан Антонио, со 117:110 пред своите фанови. За него ова е 6-ти трипл-дабл сезонава. “Чудото од дете”, буквално ги “растури” Spurs-и, кои немаа никакво решение за него, па дури ниту одличниот Demar Derozan, кој мечот го заврши со 36 поени не можеше да му парира. Со ваква игра на Дончич не е никакво изненадување што Далас успеа да дојде до нов триумф.
Со овој меч Дончич стана втор најмлад кошаркар (20 години и 263 дена) во историјата што остварил трипл-дабл со над 40 постигнати поени, зад LeBron James, кој имаше вакво достигнување на возраст од 20 години и 100 дена. Како што сме потенцирале многу пати предходно, небото е лимит за ова момче!
NBA FAN
Димитар Младеновски
