Кошаркарите на Њујорк Никс издвојуваа драматична победа над Сан Антонио Спарс од 107:106 во четвртиот меч од финалната серија во NBA. До трофејот ги дели само уште еден триумф.
Домаќините беа комплетно надиграни во првиот дел, на стартот на второто полувреме губеа и со 29 разлика (52:81), но тука започна неверојатниот кам-бек за кој уште долго ќе се зборува особено ако Никси го освојат трофејот во најсилната кошаркарска лига на светот што ќе биде нивен прв по 1973 година, резултат за кој потребна уште една победа (3-1). Избраниците на Браун одиграа фантастино до самиот крај, а големиот пресврт (најголем во историјата на финалињата) беше комплетиран со кошот на Оу Џи Ануноби на 1.3 секунда до крајот.
Џејлен Брансон и херојот Оу Џи Ануноби заедно искомбинираа 69 кошеви, додека на спротивната страна Виктор Вембањама имаше дабл-дабл учинок составен од 24 поени и 13 скокови. Следниот меч се игра на теренот на Сан Антонио Спарс во Недела наутро, во 2:30 по македонско време.
