Најсмртоносниот земјотрес за оваа година: Во Албанија бројот на жртви се искачил на 44, спасувачите уште ги расчистуваат рушевините

81

Сè помала е надежта дека спасувачите ќе пронајдат некој жив под рушевините на зградата во Албанија, два дена после земјотресот во кој, според најновите податоци, загинале 44 лица.

Со тоа овој земјотрес официјално станал најсмртоносниот земјотрес за оваа година.

Иако според степенот на Рихтеровата скала не спаѓа ниту во 10-те најсилни во 2019-та година, тој однесе најмногу жртви.

На второ место по бројот на жртви е земјотресот со јачина од 6,5 степени според Рихтер, кој на 25-ти септември ја погоди Индонезија. Од ударот настрадало 41 лице.

Земјотрес со јачина од 6,4 степени според Рихтеровата скала го погоди подрачјето Драч во Албанија во вторникот на 26-ти ноември.