Над 120 пожарникари се борат со огнената стихија: Голем пожар зафати зграда во Лондон

518

Најмалку 125 пожарникари се обидуваат со помош на 15 противпожарни камиони да го изгасат пожарот кој изби во стамбена зграда на истокот на Лондон.

Портпаролот на противпожарната единица која интервенираше во Фермаунт соопшти дека пожарот избил на осмиот, деветиот и десетиот кат од зградата која има 19 катови.

Засега не е позната причината за пожарот, ниту тоа дали има повредени. На терен излегле голем број на екипи на итната помош, како и специјални екипи за брзо реагирање.

Екипите на итната служба соопштија дека им помогнале на повеќе лица кои што за среќа успеале на време да ја напуштат зградата.

Жителите на Њу Провиденс Ворф се обидувале да ја променат фасадата на зградата од 2017-та година кога во пожарот на кулата Гренфел загинаа 72 лица. Градежните работи требало да започнат во април.

ПОВРЗАНИ НАПИСИПОВЕЌЕ ОД АВТОРОТ