Марија Шерифовиќ доаѓа во понеделник на дружба со фановите во „Сити Мол“

250

Најдобриот женски вокал на овие простори – Марија Шерифовиќ во понеделник доаѓа во Скопје на дружба со своите фанови, но и да ги открие деталите за нејзиниот концерт закажан за на 3. август на стадионот „Билјанини Извори“ во Охрид.

Шерифовиќ од Белград ќе пристигне со својот личен возач, а веднаш по нејзиното доаѓање таа ќе биде гостинка во специјална емисија на „1Тв“, а во 20:30 во трговскиот центар „Сити Мол“ ќе се сретне со своите обожаватели каде ќе дели автограми и ќе се фотографира.

Инаку нејзиниот концерт е закажан на 3. август на стадионот „Билјанини Извори“ во Охрид, а влезниците за истиот може да ги купите преку продажните места на „мк-тикетс“, Градскиот плоштад во Скопје, градскиот плоштад во Охрид и „Сити Мол“.