Канцеларот на Австрија, Себастијан Курц денеска во Виена организираше работен појадок со премиерите на земјите од Западен Балкан, на кој присуствуваа и двајцата еврокомесари, Марија Габриел и Јоханес Хан.
На појадокот се разговараше за европската перспектива и регионалната соработка, а двјацата еврокомесари заедно со канцеларот Курц, изразија заедничка посветеност.
Европската перспектива на Западен Балкан, како што беше истакнато, е во фокус на претседателството на Австрија со ЕУ и австрискиот канцелар Курц ги претстави плановите за остатокот од австриското претседателство со ЕУ.
Тој потсети на напорите на овие земји да им се помогне во решавањето на билатералните прашања и поттикна понатамошен напредок за постигнување на европските процеси.
Курц повика на продолжување на дијалогот и истакна дека без договор нема влез во ЕУ, но, исто така, истакна дека ставот на Австрија и поголемиот дел од ЕУ е дека мора да ги поддржи сите решенија кои произлегуваат од дијалогот.
