Оние газди кои ќе го прекршат законот и ќе работат во недела незаконски, ќе се соочат со клуч на врата од 15 дена.
Ова станув јасно од зборовите на министерката Јагода Шахпаска која во гостувањето на Телма кажа дека ќе следува 15 дневна забрана за оние сопственици кои на незаконски начин ќе работат во недела.
Драфт верзијата на законот кој е во завршна фаза опфаќа и санкции и прекршоци а една од нив е токму и 15 дневната забрана.
„Покрај санкциите за парична казна, и кога на една фирма, ќе и се забрани да работи 15 дена на некој начин ќе значи опомена да не се случи слично кршење на законот следен пат“, вели Шахпаска.
Од друга страна пак, за претставничката на ВМРО ДПМНЕ во дебатата на истата телевизија, Благица Ласовска, измените кои се предвидуваат во Законот за работни односи се популистички.
