Американскиот комичар и актер, Кевин Харт, во петокот изјавил дека нема да го води 91-то издание на доделување на Оскарите, после протестите поради неговите стари хомофобични твитови.
„Одлучив да не ги водам овогодинешните Оскари“, напишал во петокот на Твитер. „Искрено ѝ се извинувам на ЛГБТ заедницата поради моите бесчувствителни зборови во минатото“, додал Харт.
I have made the choice to step down from hosting this year's Oscar's….this is because I do not want to be a distraction on a night that should be celebrated by so many amazing talented artists. I sincerely apologize to the LGBTQ community for my insensitive words from my past.
— Kevin Hart (@KevinHart4real) December 7, 2018
Еден час пред тоа, објавил видео на Инстаграм во кое одбил да се извини, откако Академијата за филмска уметност и наука го побарала тоа од него.
„Одлучив да не се извинам. Причината за тоа е тоа што веќе неколку пати се изјаснив на таа тема“, рекол Харт и додал дека се променил од времето кога помеѓу 2009-та и 2011-та година ги објавил хомофобните твитови кои во меѓу време ги избришал.
„Ќе бидам свој, ќе се држам до своите ставови“, додала ѕвездата од филмската комедија „Central Intelligence“ и „Get Hard“.
Доделувањето на Оскарите ќе се одржи на 24-ти февруари, во холивудскиот „Dolby Theatre“.
