Казни и бркање од Зоолошка ако ги храните животните

0
63

Глоби и наредба за напуштање на Зоолошката градина ќе следат доколку граѓаните не ги почитуваат наредбите од таблите и ги хранат животните и покрај забраната.

Од завчера, на пет локации низ Зоолошката се поставени информативни табли, на кои е напишан кодексoт на однесување на посетителите.

„Искрено се надеваме дека посетителите ќе ги почитувате правилата за поубава градина и благосостојба на животните. Освен што ќе бидат отстранети планираме да воведеме и казни за хранење на животните. Навистина имаме проблем, им се дава секаков вид храна, дури и таква која е опасна за нив“, велат од Зоолошката градина.

Низ Зоолошката градина во понеделникот беа поставени и патокази со кои посетителите полесно ќе можат да се снајдат каде се наоѓаат живеалиштата на животните. По 13 години исчистено беше и езерото, кое сега е и хортикултурно уредено и поставен е брод со детски реквизити.

Инаку, познато е дека досега неколку животни умреа откако пороголтале тврд предмет или кеса од грицки, кои на обдикцијата биле пронајдени во нивните тела.

 

ОСТАВЕТЕ ОДГОВОР

Please enter your comment!
Please enter your name here