Кајли Џенер, девојката на Тревис Скот, на чиј концерт во Хјустон пред неколку дена се случи стампедо, кога загинаа осум лица, е фатена како лаже.
Иако тврдела дека за несреќата дознала дури по концертот, сведоци го тврдат спротивното. Очевидци велат дека ги виделе Кајли и нејзината сестра Кендал среде хаосот, но дека се обиделе да го сокријат идентитетот додека минувале покрај жртвите.
– Кендал и Кајли имаа шест телохранители околу себе. Откако се случи трагедијата, сестрите поминале покрај телата на жртвите и луѓето кои ги реанимирале. Тие ги спуштија главите и се трудеа никој да не им ги види лицата и се покриваа за никој да не ја види нивната реакција. Носеа маски и качулки. Еден маж беше изнесен на носилки пред нив – изјавил извор за британските медиуми.
