Извајано тело, тетоважи и ајкули: Дејвид Бекам и неговиот син уживаат на Мајами во необично друштво

Откако минатата недела венчавката на најстариот син Бруклин со Никола Пелц го окупираше целото внимание на семејството Бекам, Дејвид одлучил да помине време со Круз.

На фотографиите кои ги споделил Круз на својот Инстаграм профил, изгледале расположено додека околу нив пливале ајкули.

По тој повод поранешниот фудбалер ја открил својата импресивна колекција тетоважи, но и извајани мускули.

Бидејќи носел црвен костим за капење, се пошегувал: „Мислам дека облеков шорцеви со погрешна боја“.

Круз споделил фотографии од оваа средба со ајкули на Инстаграм, а покрај фотографијата од киселата насмевка на Дејвид, напишал: „Нервозна насмевка“.

Таткото и синот поминале некое време заедно на сонце, пред да го прослават роденденот на Викторија Бекам.

Поранешната членка на групата „Spice Girls“ во неделата беше преплавена со убави пораки и желби по повод 48-от роденден.

Посебно внимание покрај многуте честитки привлече нејзината фотографија од детство од прославата на 9-от роденден.