Хрватскиот завод за јавно здравство објави препораки за капење во море и препораки за работа на базенски капалишта и водени паркови.
На видливи места на влезот, како и во самиот простор каде престојуваат посетители мора да се постават информации за хигиенските постапки и насоки за правилно однесување и мерки за заштита кои треба да се почитуваат. Ако е возможно, може и преку разглас да се пуштаат пораки, за посетителите да се потсетат на нивните обврски.
Максимален број на луѓе во простор – Максимален број на лица во морските и слатководните капалишта е 15 лица на 100 квадрати.
Физичка оддалеченост – За сите посетители и вработени важи правилото за физичка дистанца од 1,5 метри.
Дезинфекција на раце – На видливи места нужно е да се постават дезинфекциони средства (на база на алко*ол во концентрација од 70% или друго средство кое делува на болести, соодветно за кожа).
Лежалки – Концесионерот треба да ги одвои лежалките овозможувајќи физичка дистанца, да ги дезинфицира лежалките неколку пати дневно, а задолжително откако некој гостин ќе си замине, пред да ја користи друг гостин.
Одлагање на отпад – На сите отворени простори треба да има канти за отпад со капак.
Користење на вода – При престојот во вода да се одржува физичка дистанца од 1,5 метри.
Одржување на хигиена на санитарни јазли – Потребно е почесто да се дезинфицираат санитарните простори, на два часа, а по потреба и почесто.
