Угледниот француски и светски експерт од Универзитетот во Марсеј, професорот Дидие Раул порача дека неговите истражувања покажале дека лекот хлорокин се покажал како ефикасен во лекувањето на коронавирусот.
Американскиот претседател Доналд Трамп набрзо потоа соопшти дека тој лек ќе биде користен во САД во сузбивањето на епидемијата. Хлорокин веќе успешно се користеше во сузбивањето на маларијата.
Професорот Раул даде до знаење дека клиничкото испитување на лекот „Плакенил“, чија главна состојка е хлорокин, покажало дека од 24 заболени кои шест дена го примале тој лек, 18 од нив биле целосно излекувани.
New York times is actively trying to badmouth a Corona cure that has already saved lives in China and Italy just because Trump likes it.
This is it folks.
I think we have finally hit PEAK orange Man Bad syndrome. https://t.co/LYCOyLhBCQ
— The Great Deliverer (@LibertyLudens) March 20, 2020
Иако во стручните кругови, како што пренесуваат француските медиуми, има мислења дека сепак е прерано да се носат заклучоци затоа што постапката за лекување со хлорокин не ги поминала сите научни протоколи, Трамп очигледно решил да направи се за да го спречи ширењето на епидемијата во САД.
Од американската државна здравствена установа “FDA” потврдија дека Трамп побарал да се користи тој лек, но дека нивните експерти најпрвин темелно ќе го испитаат лекот и потоа ќе дадат свое мислење.
Треба да се напомене и дека кинеските научници, како што е објавено во магазинот “Nature” кон крајот на февруари објавиле истражување кое покажува дека хлорокинот овозможил кај одреден број на пациенти да биде излекувано воспалението на белите дробови и пациентите да се излекуваат за многу пократок период.
What do malaria and COVID-19 have in common? On the surface, not much. But according to early research, an old malaria drug called chloroquine might also work for the new coronavirus. https://t.co/s36Dlq9grf
— ABC News (@ABC) March 19, 2020
Францускиот министер за здравство, Оливие Веран неодамна порача дека Франција одобрила „опсежни клинички тестирања“ на хлорокинот со цел да се дојде до нови информации во врска со делувањето на лекот, а потоа и да се одобри од француските власти.
Доктор Раул, еден од светски најпознатите инфектолози тврди дека хлорокинот веќе покажал „јасни резултати“, дека тоа е исто така и многу евтин лек, а испитување и дистрибуција на хлорокин веќе вршат научниците и институтите во Израел, Белгија, Австралија, Мароко и Иран.
