Американската манекенка, Емили Ратајковски изјавила дека била сексуално нападната за време на снимањето на спотот за хит песната “Blurred Lines”. Во книгата која треба да биде објавена, 30 годишната манекенка го обвинува пејачот Робин Тик дека ја допирал без нејзина согласност за време на снимањето на спотот во 2013 година.
Ратајковски овие наводи, за првпат објавени во магазинот Сандеј Тајмс, ги изнела во книгата “My Body”. Американскиот супермодел тврди дека Тик дошол пијан на снимање кога требало да ги снима кадрите со неа.
“Во еден момент почувствував студени раце од странец, од зад грб до голите гради. Веднаш се тргнав, вртејќи сѐ кон Робин Тик”, рекла таа.
Манекенката се појави во спотот заедно со Робин Тик, Фарел Вилијамс и Ти Ај.
“Се сеќавам кога ѝ ги фати градите. Стоев зад неа, додека двајцата снимавме од страна”, рекол режисерот на музичкиот спот.
Додала дека Тик подоцна ѝ се извинил, иако сѐ уште нема изјавено ништо откако Емили го обвини за сексуално малтретирање.
