Четири лица денес се нападнати со нож и повредени во близина на поранешната канцеларија на сатиричниот магазин „Шарли Ебдо“, потврди францускиот премиер Жан Кастекс.
Според неименуван извор од париската полиција, две од четирите повредени лица се во критична состојба, пренесува британската новинска агенција „Ројтерс“.
Париската полиција соопшти дека е уапсено едно лице за кое се верува дека го извршило нападот.
BREAKING: Paris police say four people have been wounded in a knife attack near the former offices of satirical newspaper Charlie Hebdo, and two attackers are on the run. https://t.co/BbnOQjeiBl
— The Associated Press (@AP) September 25, 2020
Од париската полиција соопштија дека иако на почетокот се претпоставувало дека станува збор за двајца напаѓачи, тие сега веруваат дека тоа било само едно лице кое било фатено и приведено во близина на плоштадот Бастиља во источниот дел на Париз.
Засега мотивот за нападот не е јасен, како и тоа дали има некаква врска со сатиричниот магазин „Шарли Ебдо“. Магазинот ги пресели своите канцеларии после нападот на исламските екстремисти во 2015-та година.
