Долго се шпекулираше за заминување на Антоан Гризман од Атлетико, а тоа сега е и официјално.
Вечерва Антоан Гризман испрати порака до сите фанови на Атлетико за љубовта која му ја пружиле сите овие години низ кои мина со „душекчиите“.
„Здраво на сите, откако зборував со Чоло и луѓето во клубот, сакам да објавам до сите во Атлетико дека ви благодарам на големата љубов од ваша страна, но решив да заминам ова лето“, порача Гризман.
Тој во видео пораката не објави каде ќе се пресели, но евидентно е дека Барселона ќе биде негова прва дестинација.
