Барса го сака Ромањоли на „Ноу Камп“ – ги нуди Пјаниќ и Кутињо

78

Каталонски „Diario Sport“ денеска пренесува информација дека Барселона е силно заинтересирана на „Ноу Камп“ да го доведе стоперот на Милан, повремениот италијански репрезентативец – Алесио Ромањоли(26).

Поради финансиската криза во која се наоѓа каталонскиот клуб, се споменува размена. Миралем Пјаниќ и Фелипе Кутињо би отишле на „Сан Сиро“ за Ромањоли да заигра во тимот предводен од Роналд Куман.

Засега само еден детал спречува ваков развој на настаните – еден од двајцата играчи на Барса ќе мора да се согласи на намалување на платата.

Договорот на Ромањоли со „Росонерите“ истекува следната година, а наводно тој нема да се согласи на продолжување.

Од друга страна, Кутињо и Пјаниќ веќе одамна не се во плановите на Куман.

Ромањоли би дошол во Каталонија како замена на ветеранот Жерар Пике.