Американците ја тестираа „мајката на сите бомби“: Oружјето тежи 13 тони и има дури 2,5 тони експлозив!

377

На интернет се појави снимка од новото тестирање на супермоќната американска авионска бомба „ГБУ-57“ која што популарно е наречена „мајката на сите бомби“.

Како што пренесуваат американските медиуми, бомбата била фрлена од стелт бомбардерот на военото воздухопловство на САД од типот „Б-2 Спирит“ кој што полетал од воената база „Витман“ во Мисури.

Оваа авионска бомба тежи 13 тони и има полнење од речиси 2,5 тони експлозив. Може да се пробие до 61 метар под површината на Земјата, а засега може да ја носи само бомбардерот „Б-2“.

Американското воено воздухопловство досега само еднаш ја има употребено оваа бомба. Тоа се случи во април минатата година кога бомбардер ја фрли бомбата „ГБУ-43/Б“ во Авганистан и тогаш Американците ја нарекоа „мајката на сите бомби“.

Според податоците на Пентагон, моќната експлозија ги разурнала подземните тунели на терористите, при што во експлозијата биле уништени дури 9,5 тони муниција и биле убиени 36 терористи.