Една од најздравите намирници на светот сигурно е компирот затоа што може да го подготвите на многу начини.

Голема предност е тоа што се подготвува многу брзо, а тоа веројатно е така затоа што има многу лесни и едноставни рецепти за негова подготовка.

Трикот е во додавањето лукче и мелена пиперка, а крцкавите компирчиња може да ви послужат и како додаток со било кое месо.

Состојки:

– 600 грама компир;
– масло за јадење;
– сув зачин или пак сол;
– лукче;
– 1 лажица црвена мелена пиперка;
– малку оригано.

Подготовка:

Излупете го компирот па исечете го на коцки и варете го 10-12 минути. Исцедете го, па во него додадете малку масло за јадење, мелената пиперка, ориганото, зачините, лукчето и сето тоа измешајте го убаво.

Загрејте масло за јадење во тава, па компирите ставете ги во врелото масло и пропржете ги со лесно мешање додека не заруменат и не станат крцкави – тогаш се најслатки.

Можете да ги сервирате и како прилог на некое месо.

Пријатно јадење!