Тренерот на Бенфика, Жорж Жесус не сакаше да каже дали судијата синоќа упатил расни навреди кон Пјер Вебо од Башакшехир, но вели дека во последно време расизмот е во мода.
Жорж Жесус очигледно е човек кој сака отворено да говори. Тренерот на Бенфика вели дека не може да зборува за скандалот во Париз каде судијата на расна основа го навреди Пјер Вебо од Башакшехир, но додава расизмот е во мода во последно време.
„Не знам што се случилo и што било кажано, но ми се чини дека во последно време расизмот е во мода. Како слободен граѓанин, имам право на сопствено мислење и можам да оформам конретно мислење доколку знам што било кажано во тој момент, бидејќи во денешно време, се што ќе се каже за црн човек е расизам. Сепак, доколку истото го кажете за бел човек, тоа не е расизам. Но секако, можно е да имало расизам во Париз, не бев таму, не знам што кажал судијата“ – вели Португалецот.
