На официјалната фан-страница на Вардар на Фејсбук, под објавата за поразот во Брест, во моментот на објавување на овој текст имаше 85 коментари. Огромен процент од нив беа со иста порака – Алушовски да си даде оставка.
Причината за незадоволството, иронично, доаѓа затоа што Вардар, конечно, одигра добро. Покажа дека и во овој подновен состав има „штоф“ за добри натпревари, меѓутоа во последните четири минути од натпреварот го загуби водството, а со него и натпреварот. Сето тоа ги потсети навивачите на начинот на кој Еурофарм Работник загуби неколку натпревари минатата сезона исто така под водство на Алушовски, па му се нафрлија на некогашниот репрезентативец.
