Еден од најуспешните бизнисмени и најбогати луѓе на светот, Ворен Бафет е познат по својата компанија вредна околу 300 милијарди долари, но и по несебичните совети кои ги дава за успехот и богатството.
Ворен Бафет смета дека наместо брзото богатење треба да се фокусирате на штедење и да ги цените претходниците кои влијаеле на вашиот успех.
Тој предлага 6 насоки кои ќе ви помогнат да стекнете поголем финансиски успех во следната година:
1. Следете ја својата страст
Мора да сфатите што сакате и со што сакате да се занимавате, бидејќи тоа е најлесен начин да заработите. Ако го работите она што го сакате, нема да ви биде тешко и малку повеќе да се потрудите.
2. Фокусирајте се на штедење, а не на брзо богатење
Најголема грешка е ако на време не научите да штедите. Штедењето е навика. Не треба да се обидувате набрзина да се збогатите, бидејќи е невозможно и не треба да губите ни време ни пари верувајќи во илузии.
3. Не очекувајте премногу од соработниците
Имајте предвид дека и најдобрите соработници може да ве изневерат и бидете подготвени на тоа. Секогаш треба да имате резервно решение.
4. Не мислете дека сте експерт
Ако не инвестирате во она во кое се разбирате и знаете дека носи профит, сè ставате на коцка. Поради тоа Бафет не би инвестирал никогаш во технологија, злато и воздушен сообраќај.
Мора да знаете до каде се вашите граници. Не се залетувајте да вложите во нешто што ќе ви донесе брза заработка, бидејќи може да завршите со уште поголема загуба.
5. Размислувајте и анализирајте
„Многу време поминувам во размислување, иако тоа не е типично за американскиот начин на работење. Колку повеќе читам и размислувам, толку помалку импулсивни одлуки донесувам, што е клучно за успешна работа.
6. Ценете ги претходниците и учете од нив
Почесто посветувајте внимание на своите претходници, бидејќи што и да правите, за вашиот успех тие се најзаслужни. Не сте само вие заслужни, туку и сите кои дале свој придонес. Не почнува сè од вас, освен ако навистина не сте измислиле нешто ново.
Потсетете се на поговорката: „Ако денес вие седите под сенка, некој одамна тука посадил дрво“.
