Кај четворица припадници на Министерството за внатрешни работи вчера било регистрирано присуство на Ковид-19.
Според пишувањето на “A1on”, станува збор за еден вработен во Одделот за обезбедување на објекти и личности, двајца од Секторот за компјутерски криминал и дигитална форензика и еден од Регионалниот центар за гранични работи Север.
Засега нема информации дали новозразените припадници на МВР се заразиле на работното место.
МВР има и свои припадници во карантин, откако се вратиле од земји со висок или среден ризик. Станува збор за четири лица, а не се знае дали патувале приватно или биле испратени од работа.
Со новите четири случаи, сега бројот на заразени во МВР е 39. Поради контакти со заразени, 170 припадници на МВР добиле решенија за изолација.
