Како што веќе знаете, вчера и официјално стартуваше кампањата #Бекстејџседидома, на најгледаниот и најпопуларен забавен ТВ магазин „Бекстејџ“, кој ја прилагоди и адаптираше својата програма и содржини во новосоздадените услови на карантин и домашна изолација!
Во рамки на неа, вчеравечер гостин на Миро Кацаров му беше Жаре – Бербер со лајв вклучувањето на Инстаграм, а вечерва друштво на Јасмина Филиповска ќе и прави естрадно-љубовната двојка: пејачката Антониа Гиговска и Иван Јованов, вокалот на „Либеро бенд“.
Лајвот почнува точно во 20.00 часот, а сите фанови ќе имаат можност да се вклучат во живо, да ги прашаат она што сакаат Иван и Антониа, но и да ги слушнат како пеат во живо, во домашни услови.
Утревечер, во #Бекстејџседидома во живо ќе се вклучи уредничката Ева Јакимовска која за видеогостин ќе го има раперот Таско, додека во петок „естрадниот карантин“ е резервиран за водителката Николина Нина Славковска и композиторот, продуцент и пејач Роберт Билбилов.
Затоа, не излегувајте никаде и не пропуштајте #Бекстејџседидома… Live!
