Тензии во собранието на Република Српска се случија вчера кога министерот за внатрешни работи Драган Лукач, го удри пратеникот на НСРС Драшко Станивуковиќ. Тие расправаа за знамињата на НАТО во Собранието.
Лукач му се обрати на Станивуковиќ, кој со неколку членови на опозицијата донесе мали знамиња на НАТО во Собрнаието. Биле донесени во знак на протест затоа што Станивуковиќ сметал дека со потпишувањето на Реформската програма, Додик ја поништил „воената неутралност“ на Република Српска.
„Додека се борев, над мојата глава летаа авионите на НАТО. Јас гледав дали ќе ми се појават бомби над мојата глава. Вие не можете да ги донесете овие знамиња. Тогаш бевте мали, но сега треба да знаете некои работи. Не го правте тоа, во спротивно ќе завршите како знамињата“, рече Лукач, а потоа Станивуковиќ му пријде да добие објаснување, но доби само шлаканица. Интервенираа редарските служби, а спикерот веднаш побара пауза.
