Демонстрантите на Хаити ги блокирале улиците, а многу од нив ги оштетиле или ограбиле продавниците кои веќе трети ден се затворени поради протестите организирани поради одлуката на владата да ја зголеми цената на горивата.
Во главно младите учесници на протестот ги блокирале улиците со големи гранки и камења, некои палеле гуми, а не некои места биле и запалени автомобили, пренесува “Reuters”.
Полицијата употребила солзавец за да ги растера големиот број на незадоволни млади луѓе.
Американската амбасада ги предупредила своите граѓани да ги избегнуваат местата каде има немири во Порт-О-Пренс и да ги изменат плановите за патување, со оглед на тоа дека неколку компании ги откажале летовите.
Протестите почнале во петокот, кога Министерството за трговија и економија најавило зголемување на цената на бензинот за 38 проценти и 47 проценти за дизел.
Таа одлука е дел од договорот со Меѓународниот монетарен фонд, кој од државата бара мерки за штедење.
