Од понеделник, 8 април почнува приоритетната продажба на билети за четврт-финалниот натпревар од ЕХФ лигата на шампионите меѓу Вардар и ПИК Сегед.
Сите сопственици на влезници од осмина-финалниот натпревар Вардар – ППД Загреб во следниот период ќе имаат можност истите да ги заменат со билети за четврт-финалниот натпревар против ПИК Сегед закажан за 25 април во Скопје во 20 часот.
Од понеделеник, 8 април па се до недела 14 април 2019 година ќе трае приоритетната замена на сезонските билети со влезници за четврт-финалниот натпревар во ЛШ. По истекот на овој период односно од 15 април сите билети кои нема да бидат заменат ќе бидат пуштени во слободна продажба.
Со приоритената замена на билети се здобивате со право да ги задржите истите места што сте ги имале на осмина-финалниот меч од Лигата на шампионите. Не е можно менување на местата, туку само задржување на истите за првиот меч од четврт-финалниот натпревар против ПИК Сегед
Цената на билетот за четврт-финалниот натпревар против ПИК Сегед ќе чини:
* 400 денари за местата на трибина
* 450 денари за А блоковите
Од 15 април ќе почне регуларна продажба на влезници за четврт-финалниот меч и ќе трае се до распродавање на капацитетот на салата во СЦ „Јане Сандански”.
