37-годишниот Небојша Марковиќ, кој бил ликвидиран денес на сред бел ден на Баново Брдо, а бил убиен кога излегол од својот автомобил за од багажникот да земе количка за дете. На самото место имало потресна глетка – телото на убиениот лежело на сред улица, додека покрај него има детска количка.
Како што пишува “Blic.rs”, Небојша Марковиќ бил убиен пред куќата во која живеел со жената и бебето, а бил зет на припадникот на Пинк Пантер, Александар Ш.
Соседите велат дека не слушнале ништо, и дека ја виделе само Итната помош.
“Се враќав од продавница кога ја видов Итната помош. Не се посомневав дека некого убиле. Го гледав тоа момче, живееше со жена…тага. Не изгледаше како да е некој опасен лик”, вели сосетката.
Н.М. бил ликвидиран со неколку куршуми во глава и гради и починал на самото место. Како што дознаваме, тој живеел во куќата која се наоѓа веднаш покрај куќата во која живее и поранешниот кошаркар на Партизан, Вукашин Авдаловиќ, на чиј автомобил минатата година по грешка била фрлена бомба.
