Сидни Ајело, девојка која го преживеала масакрот на Денот на вљубените во 2018-та година во средното училиште Паркленд на Флорида, минатата седмица го одзела животот, пренесува „СиЕнЕн“.
Нејзината мајка Кара за американските медиуми изјавила дека Сидни патела и чувствувала вина, после еден од најкрвавите напади во модерната американска историја кога на Флорида беа убиени 17 лица.
На девојката после нападот и бил дијагностицирано и пост-трауматско пореметување. Таа за време на нападот била во близина на училиштето, открива нејзината мајка.
Сидни матурирала неколку месеци откако тогаш 19-годишниот Николас Круз уби 14 ученици и тројца професори.
