Директорката на Клиника за инфективни болести и фебрилни состојби д-р Милена Стевановиќ, денескa на прес – конференција за бројот на смртни случаи од коронавирусот деновиве, изјави дека пациентите прво се лекуваат дома, па потоа бараат лекарска помош, има и повозрасни луѓе и хронично болни.
Сепак, таа вели дека дали смртоста е висока или не, треба да се направи анализа.
Девет починати има во последните 24 часа.
На Клиниката за инфективни болести и фебрилни состојби починаа три лица од Скопје на возраст од 78 и 47 години хоспитализирани на 4 односно 7 јуни и пациентка на 85 години, хоспитализирана на 9 јуни.
Во ГОБ „8 септември“ починаа четири лица, двајца пациенти од Скопје на возраст од 69 и 67 години, хоспитализирани на 9 односно 15 јуни, пациентка од Куманово на 67 години, примена на 2 јуни и пациент од Тетово на 61 година, примен на 2 јуни.
Во ОБ Куманово почина пациент на 81 година, хоспитализиран на 3 јуни, во ОБ Охрид пациент на 83 години, примен во болницата на 8 јуни.
Вкупниот број на починати е над 200.
